Илимий кеңес жуўмақлары

   Жақында университеттиң гезектеги илимий кеңеси болып өтти. Мәжилисти университет ректоры М.Жуманов ашты ҳәм басқарып барды. Дәслеп мәмлекетлик стипендия ийелери ҳәм «Камолат» ЖЖҲ тәрепинен өткерилип атырған таңлаў жеңимпазларын табыслары менен қутлықлады ҳәм оларға баҳалы саўғалар тапсырылды.

   Буннан соң Қарақалпақстан футбол федерациясы баслығы В.Назаров сөзге шығып, ол өз сөзинде университетимиздиң футбол командасын усы жылғы Қарақалпақстан футбол федерациясының кубогин жеңип алғаны менен қутлықлады ҳәм оларға баҳалы саўғалар тапсырды.

   Соң мәжилистиң күн тәртибиндеги мәселелерге тоқталды. Бунда бириншиден, таңлаў ислери, екинши университет профессор оқытыўшыларының қәнигелигин жетилистириў бойынша жобаның орынланыўы ҳәм тийкарғы ўазыйпалар ҳаққында (баянатшы Оқыў ислери бойынша проректоры М.Ибрагимов), үшинши университет студент жаслары арасында жынаятшылық ҳәм ҳәр қыйлы ҳуқық-бузарлықлардың алдын алыў илажлары ҳәм адам саўдасының жаман ақыбетлери ҳаққында (Руўхыйлық ҳәм ағартыў ислери бойынша проректоры Б.Матмуратов), төртинши университетке үлкен илимий хызметкер-излениўшилер, өз-бетинше излениўшилерди қабыллаў жуўмақлары, олардың докторлық диссертация темаларын тастыйықлаў ҳәм илимий мәсләҳәтшилерин белгилеў ҳаққында (баянатшы Илимий изертлеў ҳәм илимий-педагогикалық кадрлар таярлаў бөлими баслығы К.Алланазаров), бесинши Физика-математика ҳәм Тарийх-ҳуқық факультетлеринде оқыў, илимий-изертлеў, тәлим-тәрбия жумысларын жолға қойыў бағдарында алып барылып атырған жумыслар ҳаққында (Баянатшылар факультет деканлары), жетинши Камолат ЖЖҲ тәрепинен алып барылып атырған жумыслар ҳаққында (баянатшы Камолат ЖЖҲ жетекшиси Қ.Юсупов), сегизинши университет аудиторының 2014-жылғы есабы (бас есапшы орынбасары-аудитор П.Аширбеков), соң ағымдағы мәселелер бунда университеттиң еркин излениўшилериниң докторлық диссертация темаларын тастыйықлаў ҳәм илимий мәсләҳәтшилерин белигилеў мәселелери көрип шығылды.

   Мәжилисте күн тәртибиндеги мәселелер бойынша пикир-алысыўлар болып өтти. Ҳәм мәжилис соңында қаралған мәселелер бойынша тийисли қарар қабыл етилди.