Байрам алдынан

Республикамызда 14-январь Ўатан қорғаўшылары күни сыпатында кең түрде белгиленип келинбекте. Байрам мүнәсибети менен «Әскерий Ўатанды ҳүрметлеў айлығы» н шөлкемлестириў бойынша Арқа-батыс әскерий округы, «Камолот» ЖЖҲ Қарақалпақстан Республикасы кеңеси ҳәм руўхый үгит-нәсият орайы менен биргеликте қоспа бағдарлама ислеп шығылған еди.

 

Усы бағдарлама тийкарында университет студентлери менен қураллы күшлер сержантлары, белгили илимпазлар, мәденият ҳәм көркем-өнер хызметкерлери менен биргеликте руўхый ағартыўшылық илажларын өткериў келисип алынған еди.

Атап өтетуғын болсақ, 7-январь күни байрамға бағышланып Арқа-батыс әскерий округына қараслы 59869 әскерий бөлиминиң әскерлери, Қарақалпақстан Республикасы Айрықша жағдайлар басқармасы қутқарыўшыларының қатнасыўында «Ўатан қорғаў әдиўли миннет», «Әскерий пидайылық» атамасында ушырасыў болып өтти. Онда университеттиң руўхыйлық ҳәм ағартыўшылық орайы баслығы И.Жуманиязов «Миллий армиямыз мақтанышымыз», Қарақалпақстан Республикасы Айрықша жағдайлар басқармасының аға сержанты С.Йўлдашев «Қутқарыўшылық ҳүрметли кәсип», Арқа-батыс әскерий округына қараслы 59869 әскерий бөлиминиң әскери Б.Эрматов «Ўатан уллы, байрам әдиўли» атамасындағы баянатлары менен шығып сөйледи.

Ушырасыў даўамында студентлер өзлерин қызықтырған сораўларға жуўап алды.

  8-январь күни болса техника факультетинде «Миллий армиямыз-ғәрезсизлигимиздиң, тыныш ҳәм татыў турмысымыздың беккем кепили» атамасындағы байрам кешеси болып өтти. Кешени Техника факультети руўхыйлық ҳәм ағартыўшылық ислери бойынша декан орынбасары У.Асанов «Армия-ғәрезсизлигимиз ҳәм еркинлигимиздиң кепиллиги», Арқа-батыс әскерий округи 533 шақырыў резерви баталионы командири орынбасары, майор Ф.Бабаев «Аймақтағы әскерий сиясий жағдай», Арқа-батыс әскерий округи 533 шақырыў резерви баталионы топар командири майор Ш.Самадов «Тынышлық ушын гүресиў керек», «Камолот» ЖЖҲ Қарақалпақстан Республикасы кеңеси бөлим баслығы Ж.Қайыпназаров «Миллий армиямы-мақтанышымыз», Техника факультети 4-курс студенти А.Дәўлетназаровалар «Мәртлер қорғайды ўатанды» атамасындағы баянатларын жыйналғанларға оқып еситтирди. Ушырасыў даўамында университет студентлери тәрепинен таярланған концерт бағдарламасы қойып берилди.

Соның менен бирге 8-январь күни Арқа-батыс әскерий округи гарнизоны офицерлер үйинде әскери бөлим офицерлери менен бирге ушырасыў болып өтти. Ушырасыўға университетимиздиң руўхыйлық ҳәм ағартыўшылық ислери бойынша проректоры Б.Матмуратов «Миллий армияны қәлиплестириў, миллий қәўипсизликти тәминлеў», Ҳуқыктаныў кафедрасы оқытыўшысы Т.Файзуллаева «Миллий армияны қәлиплестириўдиң ҳуқықый тийкары», Қарақалпақстан Республикасы мәденият ҳәм спорт ислери министри орынбасары А.Нийетуллаев, Арқа-батыс әскерий округи тәрбия ислери бойынша баслығы майор З.Зиявиддинов «Ўатанды сүйиўди ҳақыйқыйлыққа айландырыў» атамасындағы баянатлары менен қатнасты. Ушырасыў соңында көркем-өнер хызметкерлериниң концерт бағдарламасы менен жалғасып кетти.

9-январь күни химия факультетинде, қарақалпақ филологиясф факультетлеринде жасларды Ўатан сүйиўшилик руўхында тәрбиялаў, мәмлекетимизде болып турған тыныщлыгымыздың қәдирине жетиў керек екенлигин, өмирдиң қәдирин түсиндириўге тийкарланған ушырасыў болып өтти. Ушырасыўларда Қарақалпақстан Республикасы руўхый үгит-нәсяит орайы, Арқа-батыс әскерий округи офицер ҳәм сержантлары, «Камолот» ЖЖҲ Қарақалпақстан Республикасы кеңеси, ғалаба хабар қураллары ўәкиллери қатнасты.

Университетимизде үзликсиз түрде өткерилип киятырған «Руўхыйлық күнлери» илажлары ҳәм «Хабар ҳәм тәрбия саат» лары студентлери ушын арнаўлы материаллар таярланып, мәртлик ҳәм пидайылық сабақлары шөлкемлестирилди.

9-январь күни болса университетимизде мүддетли әскерий хызметти өтеп келип университетимизде билим алып атырған студентлер арасыында «Әскерлер беллсекенде» атамасындағы спорт түрлери бойынша жарыс шөлкемлестирилди. Атап өтетуғын болсақ, пневматикалық мылтықтан оқ атыў, арқан тартысыў, тас көтериў ҳәм басқада спорт түрлери бойынша беллести.

Соның менен бирге Арқа-батыс әскерий округинде мүддетли әскерий хызметин өтеп атырған әскерлер ҳәм студентлер арасында «Қуўнақлар ҳәм зийреклер», «Зәкәўат» итллектуал ойыны, спорт жарыслары шөлкемлестирилди. Округте ашық есиклерин күни шөлкемлестирип университет студентлерин қатнастырыў режелестирилген.

Усындай илажлар университетимизде еле де даўам ете береди.