Ўатан уллы – миннет муқаддес

14-январь – Ўатан қорғаўшылары күни мүнәсибети менен университетимиздиң руўхыйлық ҳәм ағартыўшылық мәжилислер залында «Ўатан уллы – миннет муқаддес» атамасындағы ушырасыў кешеси болып өтти. Кешени университет ректоры М.Жуманов ашты ҳәм алып барды.

 

Кешеге Республика Миллий идея ҳәм миллий идеология илимий-әмелий орайы баслығы, педагогика илимлериниң докторы, профессор  М.Қуранов, Өзбекистан Қорғаныў министрлиги жанындағы жәмийетшилик кеңес баслығы орынбасары М.Умаров, Қарақалпақстан Республикасы Нуранийлер кеңеси баслығы Ш.Уснатдинов, Қарақалпақстан Республикасы Жазыўшылар аўқамы баслығы К.Каримов, Арқа Батыс Әскерий Округи 21131-әскерий бөлими командири майор З.Ҳәкимов, «Түркистан» (Молодёж Узбекистана)  газетасы бас редакторы Ф.Каримов, Өзбекистан  ҳәм Қарақалпақстан тарийхы кафедрасы доценти А.Қудияров «Миллий армиямыз – мақтанышымыз, таянышымыз», тарийх ҳәм ҳуқық факультети 3-курс студенти М.Ражабов «Өзбекистан Республикасы Қураллы Күшлерин басқарыў тараўындағы реформалар», тарийх ҳәм ҳуқық факультети 4-курс студенти У.Абдисетерова «Тыныш журтта абат турмыс болады» баянатлары менен қатнасты.

Буннан соң профессор Ж.Сағындықов ҳәм сержант М.Жалекеевлар шығып сөйледи.