Қариясы бар үйдиң периштеси бар

Университетимиздиң руўхыйлық ҳәм ағартыўшылық мәжилислер залында «Кекселерди қәдирлеў жылы»на бағышланған «Қариясы бар үйдиң периштеси бар» атамасындағы үш әўлад ўәкиллериниң ушырасыў кешеси болып өтти.

 

Ушырасыўды университет ректор М.Жуманов ашты ҳәм кекселерди, үлкен әўлад ўәкиллерин қәдирлеў, оларға ғамхорлық көрсетиў жоқары пазыйлет екенлигин айрықша атап өтти.

Буннан соң қутлықлаў ушын сөз Қарақалпақстан Республикасы Нураныйлер кеңеси баслығы Ш.Уснатдинов, Өзбекистанға мийнети сиңген транспорт хызметкери Б.Таженов, қосықшы Б.Матчанов, Бердақ атындағы Қарақалпақ мәмлекетлик университетиниң Нураныйлер кеңеси баслығы Б.Абдикамалов,
«Миллий идея, мәнаўият тийкарлары ҳәм ҳуқық тәлими» кафедрасы профессоры Ж.Сағындықов, Қарақалпақ филологиясы факультетиниң 3-курс студенти А.Оразымбетова ҳәм өзбек филологиясы факультетиниң 1-курс студенти Н.Қурбанбаевалар шығып сөйледи. Келген мийманларға университет ректораты ҳәм кәсиплик аўқамы тәрепинен естелик саўғалары тапсырылды.