УНИВЕРСИТЕТТИҢ ГЕЗЕКТЕГИ ИЛИМИЙ КЕҢЕСИ

     Бүгин университеттиң руўхыйлық мәжилислер залында университеттиң гезектеги илимий кеңеси болып өтти. Оны университет ректоры М.Жуманов басқарып барды.

 

 

     Онда оқыў ислери бойынша проректор М.Ибрагимовтың «Билимлендириў процессиниң оқыў әдебиятлары менен тәмийинленгенлиги, жаңа әўлад сабақлық ҳәм оқыў қолланбалары, сондай-ақ инновациялық тәлим технологияларын қолланыўға тийкарланған оқыў-методикалық комплекслерди таярлаў ҳәм баспаға шығарыў мәселелери ҳаққында» атамасында, Ҳуқықтаныў кафедрасы баслығы И.Матчановтың «Өзбекистан Республикасы Конституциясының 23 жыллығын белгилеўге таярлық ҳәм «Конституциялық ҳуқық» пәниниң өтилиўин жетилистириў ҳаққында» атамасында, Камолот ЖЖҲ басланғыш шөлкеми жетекшиси К.Қудияровтың «Жаслар арасында нәшебентлик, СПИД ҳ.т.б. унамсыз иллетлердиң алдын алыў, «Саламат әўлад ушын» қоры менен биргеликте студентлердиң дене тәрбиясы ҳәм олардың саламатлықларын және де жақсылаў бойынша исленип атырған илажлары ҳаққында» атамасында, Халықаралық байланыслар бөлими баслығы Ш.Абдуллаевтың «Шет ел мәмлекетлериниң жоқары оқыў орынлары менен бирге ислесиў байланыслары ҳәм халықаралық байланыслар бөлиминиң жумыслары ҳаққында» атамасында, Информациялық технологиялар орайы баслығы А.Реимбаевтың «Университетте информациялық-коммуникациялық технологиялардың енгизилиўи ҳаққында» атамасында баянатлары тыңланды. Соның менен бирге илимий кеңесте университеттиң күн тәртибиндеги ағымдағы мәселелер де ҳәр тәреплеме талқыланды.

      Күн тәртибиндеги мәселелер ҳәр тәреплеме қарап шығылды, кемшиликлер қатты сынға алынды.

  Мәжилис соңында қаралған мәселелер бойынша тийисли қарар қабыл етилди. Солай етип, университеттиң гезектеги мәжилиси өз жумысын жуўмақлады.