КРЕДИТ МОДЕЛЛИК СИСТЕМАСЫ БОЙЫНША СЕМИНАР

   

 

  Ташкент мәмлекетлик экономика университетинде «Кредит модулилик системасы ҳәм ECTS раўажланыўы» атамасындағы республикалық семинар болып өтти. Оны Өзбекистан Республикасы Жоқары ҳәм орта арнаўлы билим бериў министрлиги, Өзбекистандағы Эразмус+ миллий офиси ҳәм Ташкент мәмлекетлик экономика университети биргеликте шөлкемлестирди.

 

   Семинар пикир алысыў, лекциялар ҳәм семинар формасында өткерилди. Семинарға Өзбекистандағы барлық жоқары оқыў орынларынан ўәкиллер ҳәм жоқары билимлендириўи жетилистириў бойынша экспертлер командасы ағзалары қатнасты.

   Жыйналысты университет ректоры кирис сөз бенен ашты. Буннан соң Бельгиядан келген профессор, ECTS бойынша эксперт Лук Франкоз презентациялар иследи. Ол әсиресе, ECTS мазмунына, Европа университетлери мысалында тоқтап өтти.

   Буннан соң Өзбекистандағы Эразмус+ миллий офиси эксперти Қудратхон Бахадиров «Өзбекистандағы Эразмус+ ҳәм Темпус бағарламалары исшеңлигиндеги соңғы жаңалықлар», Ташкент мәмлекетлик техника университети профессоры Марат Рахматуллаев, жоқары билимлендириўди жетилистириў бойынша миллий экспертлер командасы ағзасы Зебо Исоқова «Оқытыўда билим бериў компотенциялары» темасында баянатлар жасады.

  Семинар даўамында қатнасыўшылардың қызықтырған сораўларына баянатшылар тәрепинен тийисли жуўаплар берилди.

 

Б.Палуанов,

Жоқары билимлендириўи жетилистириў бойынша

экспертлер топары ағзасы