Дийўанхана бөлими баслығы:

Акимова Светлана Базарбаевна

861-2235829
s_akimova@karsu.uz

Бердақ атындағы Қарақалпақ мәмлекетлик университетиниң дийўанхана бөлиминде бөлим баслығы, оператор, ис-жүргизиўши, архивариус ҳәм курьерлер өз искерлигин көрсетип келмекте. Олар университет қағыйдасы тийкарында жумыс алып барып, келип түскен корреспонденцияларды қабыл етеди ҳәм дизимге алады.

Өзбекстан Республикасы Президентиниң қарарлары, Өзбекстан Республикасы Министрликлер Кеңеси, Өзбекстан Республикасы жоқары ҳәм орта арнаўлы билимлендириў министрлигинен келген хатлар, модемограммалар, факс, коллегия қарарлары, Қарақалпақстан Республикасы Жоқарғы Кеңеси, Қарақалпақстан Республикасы  Министрлер  Кеңесинен келген телефонограмма ҳәм буйрықлары дизимге алынып АСКИД бағдарламасына киргизилгеннен соң қадағалаў карточкалары  менен биргеликте жуўапкер адамларға яғный тийисли бөлимлерге тарқатады.

Сондай-ақ, пуқаралардың жазба ҳәм аўызеки мүрәжәтлери дизимге алынып, жуўапкер адамларға бериледи ҳәм олардың орынланыўын қадағалайды. Архив исин шөлкемлестириўде бөлимлерден архивке тапсырылатуғын ҳүжжетлер тийисли тәртип бойынша дизимге алынып, белгили мүддетте сақланады ҳәм мәмлекетлик архив пенен биргеликте жумыс алып барады.

Университет ректоры тәрепинен шығарылған буйрықлар тийисли факультетлерге, кафедраларға ҳәм бөлимлерге нусқалары таярланып өз ўақтында жетип барыўын тәмийинлейди.