Физика-математика факультети деканы:

Насыров Махсуд Уалиевич

+99861-2236021
 m_nasirov[at]karsu.uz
http://fizmat.karsu.uz

Факультеттеги кафедралар:

  1. Алгебра, функционаллық анализ ҳәм геометрия
  2. Математикалық анализ кафедрасы
  3. Әмелий математика кафедрасы
  4. Физика кафедрасы
  5. Ярым өткизгишлер физикасы кафедрасы
  6. Электр энергетикасы кафедрасы

Физика-математика факультети тарийхы

1976-жылы Бердақ атындағы Қарақалпақ мәмлекетлик университети ашылған ўақытта педагогикалық институттың Физика-математика факультети базасында еки факультет:  Физика ҳәм Математика факультетлери ашылды. Физика факультетиниң деканы болып техника илимлериниң кандидаты, доцент Б.Орымбетов, ал Математика факультетиниң деканы болып профессор Ж. Қутлымуратов тайынланды.

Бул лаўазымда доцент Б.Орымбетов 1986-жылға дейин табыслы иследи. Физика факультетин 1986-1989-жыллары профессор Б.А.Абдикамалов, 1989-1993-жыллары доцент М.И.Арзуов, 1993-1997-жылларда М.А.Кан басқарды. 1998-жылдың сентябринде Физика ҳәм Математика факультетлери бириктирилип, қайтадан Физика-математика факультети болып шөлкемлестирилди ҳәм 2003-жылға шекем бул факультетке доцент Б.Б.Пренов басшылық етти.

Усы факультет базасында 2003-жылдың май айында қайтадан Математика ҳәм Физика факультетлери шөлкемлестирилип, Физика факультетин профессор Б.А.Абдикамалов, ал Математика факультетин доцент Б.Пренов 2005-жылға шекем басқарды. 2005-жылы август айында Физика ҳәм Инженерлик қурылыс факультетлери бирлестирилип, Физика-техника факультети шөлкемлестирилди ҳәм физика-математика илимлериниң докторы, профессор Қ.А.Исмайлов факультет деканы болып сайланды. 2009-жылдың ноябрь айынан баслап студентлердиң ҳәм қәнигеликлердиң көбейиўине байланыслы Физика факультети болып қайта ашылды ҳәм оған профессор Қ.А.Исмайлов 2011-жылға шекем басшылық етти.

Ал Математика факультетине 1976-1985-жыллары профессор Ж.Қутлымуратов, 1990-1993-жыллары доцент О.Д.Нуржанов, 1993-1995-жыллары доцент Х.Баймуратов, 1995-1996-жыллары профессор А.Отаров, 1996-1997-жыллары профессор Н.Утеўлиев басшылық етти. 1997-жылдың апрель айынан баслап факультетти доцент Б.Пренов басқарды, ал 1998-жылдың сентябринде Физика ҳәм Математика факультетлери бириктирилип, кайтадан Физика-математика факультети болып шөлкемлестирилди ҳәм доцент Б.Б.Пренов 2005-жылға шекем басшылық етти.

Математика факультетин 2005-2007-жыллары доцент М.М.Ибрагимов, 2007-2009-жыллары доцент М.К.Бердимуратов, 2009-2011-жыллары доцент Ж.П.Алланазаров басқарды, 2011-жылдың август айынан баслап факультетке доцент Б.П.Отемуратов басшылық ете баслады. 2011-жылдың август айында факультеттиң жаңа структураға өтиўине байланыслы Физика ҳәм Математика факультетлери бирлестирилип, қайтадан Физика-математика факультети болып шөлкемлестирилди ҳәм 2018 жыл август айына шекем доцент Б.П.Отемуратов басшылық етти.

Билимлендириў:

Бакалавр бағдары

  1. 5130100 – Математика
  2. 5440100 – Физика
  3. 5130200 – Әмелий математика ҳәм информатика

Магистратура қәнигелиги

  1. 5А130101 – Математика
  2. 5А130202 – Әмелий математика ҳәм информациялық технологиялар
  3. 5А140204 – Конденсацияланған орталықлар физикасы ҳәм материалтаныў

Халық аралық илимий-техникалық бирге ислесиў

  1. Сибир федерал университети (Россия)
  2. Новосибирск мәмлекетлик техника университети (Россия)
  3. В.Е.Лашкарев атындағы ярым өткизгишлер физикасы илим-изертлеў институты (Украина)
  4. Сумы мәмлекетлик университети (Украина)

Халықаралық бағдарламалар ҳәм проектлер

  1. Чегараланмаган операторлар учун вектор спектраль теорема.
  2. Математические вопросы численного решения нестационарных краевых задач.
  3. Особенности лазерно-индуцированных нелинейных процессов дефектообразования в полупроводниках.
  • Профессор-оқытыўшылар қурамы: 76
  • Илим докторлары: 6
  • Илим кандидаты:   25