«Китапқумар студент» таңлаўы

Университет мәлимлеме ресурс орайында шѳлкемлескен «Китапқумарлар» клубы ағзалары арасында «Китапқумар студент» таңлаўы болып ѳтти.

Таңлаўды мәлимлеме-ресурс орайы баслығы Н.Шаригатова ашып берди.

Таңлаўда оқыўы керек болған кѳркем әдебий китаплар дизими 2 ай алдын клуб ағзаларына тапсырма сыпатында берилди.

Усы таңлаў  ушын ҳәр бир студент 2 айда 60 китап оқыўына туўра келди. ϴзбек, қарақалпақ, жәхән әдебияты дүрданаларынан дүзилген сораўларға китапқумар жасларымыз белгиленген  ўақытта жуўап бериўге тырысып барды.

Еки күн даўам еткен бул таңлаўға «Китапқумар» клубы белсенди ағзалары болған студентлер қатнасып, ѳзлериниң қаншелли китапқумар екенлигин кѳрсетип берди. Таңлаўда клуб басшысы  Р.Калмурзаева, клуб жанынан дүзилген «Кѳркемлеп оқыў» дѳгереги жетекшиси М.Жиенбаевлар тѳрешилик етти.

 

Г.Туржанова,

Мәлимлеме-ресурс орайы хызметкери.