Пидәйы жаслар отряды елимизде

Мырза Улуғбек атындағы Өзбекстан Миллий университети студентлери Арал бойы аймағында көркем бағ жаратыў мақсетинде Қарақалпақстанға келди.

Өзбекстан жаслар аўқамы белсендилери, Бердақ атындағы Қарақалпақ мәмлекетлик университетинде билим алып атырған студентлер менен биргеликте басланған жойбар «Арал ҳәм жаслар» ураны астында өткерилип, оның шеңберинде «Басламашы студент жаслардың оқыў-илимий экспедициясы» ҳәм шөлкемлестирилди. Экспедициядан гөзленген тийкарғы мақсет- болажақ эколог, топырақтаныўшы ҳәм биологлар қатнасында Мойнақ районындағы «Бозатаў» АПЖ  аймағындағы 2 гектар жерде Өзбекстан Миллий университетиниң майданшасын шөлкемлестириў, бул аймақта илимий-иззертлеў жумысларын алып барыў, Аралбойы топырағы, өсимликлери, суўы, оның қурамы, қәсийетлерин пухта үйрениў болып табылады.

Олар усы жылдың 14-март сәнесинде Қоңырат темир жол вокзалында салтанатлы күтип алынды. Күтип алыў мәресиминде Қоңырат районы ҳәкимлиги, Жаслар аўқамы Қарақалпақстан Республикасы Кеңеси ҳәм бир қатар шөлкем басшылары қатнасты. Күтип алыў мәресиминде шығып сөйлеўшилер олардың Аралға қаратып атырған итибары, шөлкемлестирген илажы ушын жүдә қуўанышта екенлигин билдирди. Соң олар Қоңырат темир жол вокзалынан Мойнаққа қарай жол алды.

Мағлыўмат ушын экспедиция 1 ҳәпте даўам етеди.

                                                      Гөззал Жалгасова,

                             ҚМУ, Химия-технология факультети студенти

 

admin